هه‌راڵه‌و هه‌ورامانی

چه‌مه‌ سوورکریاکێت دوا چنیم 

وه‌ختارێو ده‌مت به‌ لامشتێو سووکیێ گۆ ڤزیان 

و                                                                                                                

مه‌راره‌ت دلێ به‌ره‌و ئاواته‌کاته‌نه‌ پاڵش دانه‌وه‌!      

و                                                                                                                 

په‌رذه‌و ئینسان بیه‌یت     

به‌ چێقه‌هۆڕۆ سۆنه‌تی دڕیان! 

هاوار په‌ی    

ئه‌وه‌ڕووتیای ویری به‌رزیت 

چی                                                                                                                 ‌

عه‌ره‌فه‌و ژیوایه‌نه‌

هاوار په‌ی    

په‌ته‌پڕووزوو حه‌زیت

و                                                                                                                     

ئه‌وه‌تاڤیایش په‌ی سه‌وابی!  

چێش کریۆ بێژگه‌ وێت!

ده‌ی سا     

  ژه‌نه‌ مه‌لووله‌ ئه‌ره‌ته‌میاکێ 

چی شه‌وه‌زه‌نگێنه    

                                                                                                           ‌

 که‌ چه‌م ته‌رێقوو چه‌میا!         

هۆرزه‌وه‌     

په‌ڕچینی به‌ هیچ بزانه‌   

چۆکێ ده‌ره‌ به‌ خه‌فه‌ته‌کات

تۆ و زه‌یفێ 

ئاسمان و زه‌مینه‌ندێ

هۆرزه‌وه‌ هه‌راڵه‌و هه‌ورامانی

چنی تۆمانا!      

من و

شاهۆ                                                                                          

ئۆمید حه‌بیبی، نۆدشه‌ 13وکۆپڕوو 1391ی ڕۆجیاری