سزیان
قڕچ هڕ له ئاگر سه‌ونزه چیمه‌نه‌یل دڵم
وڵاته‌گان داوڕؤد و
هؤر له هؤره‌و چێند
هووكاره‌م
ڕه‌نگین شێعره‌یل ئێ كتاوه
له داخدا
دازڵكیاؤن
له سهر زواندا په‌ل وه‌شانن
قسیه‌یل خوه‌ش و بێ به‌ش
ئێرنگه ئڕام
مه‌سڵه‌ته‌یل ئه‌وساد
شه‌قارته‌ێ سهر سزیایێگه
هه‌رسات چه‌كنمێه‌و ده‌م نیه‌گرێ
[له ڕزار سؤك سلؤك هؤر]
له جنس ت
له ڕزار هؤر دؤر قڵایل به‌رز تماشاد
له ڕقه‌یل ڕقیاێ
له قوپه‌یل قوپیاێ
له گه‌نه‌یل گه‌نیاێ و
ڕه‌نگینه‌یل ڕه‌نگ كریاێ
خوه‌ێان و ده‌سه‌متایان
له ئێوارانێ ك
ئێڵ دازڵكیاؤد و
شێعره‌گانێ به‌ش كریاؤد و
ته‌رمێ نریاؤده نه‌رگه‌ێ شان ساڕووكیه‌یل نسرم
ئمڕووه‌یل زنێانی
دڵم تماشا كه‌ر ڕێواز مه‌ته‌ڵه‌یل بانانه
له هه‌یشته‌یل بانان و
ده‌یشته‌یل بانان و
به‌هه‌یشته‌یل بانان
تماشاێان
مه‌خشینه‌ێ مه‌تڵه‌وه‌و
هاتنێان
وه‌فرینه‌ی ساڵان
[داڵاهووه
یا په‌ڕاو یاگه‌ر مانێشت یا ئابێده‌ر]
ئڕا زانا‌یل چه‌وهمته‌زار
پڕ له قافیه و عه‌رووز
له په‌ڕ
ئاوای ئاێه‌م خوه‌ره‌‌یل
له ناو
وه‌ڵنگ كتاو كؤیه‌نه‌یل بێ ته‌رتیف باپیری
له ئه‌وانه‌ێ ك
ناو ت له بانێه‌و بوو چمان ناو خودا ها بانێ
چؤ ڕووژ
له ڕووژ زنێانی كه‌ێ
هاوڕێ
هساره‌گان پرشه‌دار ئاسمانێگه
ك وه ده‌م ئاژاژگیه‌و وه‌تن:
دڵه‌یل وێڵ ئێ شه‌وه لف شه‌وار پرشه‌دن
هساره‌گان ئاسمان كلگ شمار پرشه‌دن ...
خوتووره‌ێ
ژان
چزه ده‌ێ له كاكیله‌ێ ئاسمان و
ژوو
ئه‌ڵپه‌ڕگه كه‌ێ له شه‌وه‌كیانه‌یل بێده‌سڵاتی
له یه‌ك جیا
چووپی كیشن
له وه‌رمه‌قار گیایل شه‌و بوو
كه‌له‌وا
ئڕا دار شه‌كانن زۆڵفم
په‌رتاف بڕیه
كیه‌نییه‌یل
تووقیانه له
بڵاچه‌ێ چه‌وه‌یلم و
مه‌لؤچگه‌یل
لانه‌ورێز
له فێر شوون ئێواران
كؤیه‌سانه‌یل
رؤ وه تماشاد سه‌روێن جه‌ڕە‌و ده‌ن
گیان گیان گیان
ئڕاد
[خوه‌م له تاوێا خه‌ڵه‌تانمه]
باوگ لنگ دریژ شه‌وار
شاگه‌ردانه‌یل بن دنیاێ دؤر
بن جوغرافیاێ تاریخی چه‌وه‌یلم و چه‌وه‌یلد
مزێانی دهرهیل ئازادی سوو
گیفانه‌یل دڕیاێ
شێعره‌یلێ ك
له تاو شێعره‌گاند خوه‌ێان تاساننه
په‌ت مردێ نریاسه تک دڵێانه‌و
ڕووژه‌یل تیه‌ریک زنێانی
گڵووپ ڕزیاێ ئاسمانه‌یل
ڕووژه‌یل بێ ناو‌نیشان و
هاوڕێه‌یل تفت مینپووس
ساڵه‌یل ژه‌نگن و
ئه‌زره‌ته‌یل كاڵه‌و بؤ
گلیه‌ی
هاێ
ڕووژه‌یل وارانی
هیچ جار
ناودان له هؤره‌و نیه‌چوو
ناودان
بڵێن شانامه‌ێ نه‌نؤسیاێ
نیشته جاریه
پڕه له
ده‌مه‌قسیه‌یل هؤرده وار
هاێ ...
ڕووژه‌یل وارانی
هاێ ...
نه‌خشه‌یل چڵ‌چه‌فت زنێانی
گزگ دهرهیل شه‌وار
ڕوو ڕوو مڵاێكه‌ت كوڵه سؤك سیه‌و
هڵم هناس كه‌له‌وای نه‌خشه‌و خه‌ر قه‌ێ ده‌لیا
گشتێ وه ڕزاره‌و
له ژێر ساێ قسیه‌یل نوود
له هاتند
كوڵ گرن
نیه‌زام ڕا چووه هێمان وه‌هێمان
دهس له‌ێ هشار‌هشاره نه‌لاوردیدنه!؟
که‌ێوانووه‌یل ورسێ
دیاردان له قیڕقاڕ مه‌له‌یل ئێ وڵاته
ورسێه‌یل ئـازادی
له شوون مورمووم په‌ڕه‌ێ شاگه‌ردان هووزێان
ده‌لیایل ئێڵ
هووكاره‌ێ هاتنێ
له‌ێواێ ت
ژێر زه‌وه‌رد ماسییه‌یل لیق تازه مرداره‌و بؤ كردن
داوڵێگ
له ئه‌ولاێ كولاوانجه‌ێ هؤر
له لاێ پاتشاێ ته‌نیاگان پسا گیرێ
فره ڕووژه گ هڵم هناس هؤرد
شه‌ؤیه دڕیاگه‌گه‌ێ وه‌رێ نیه‌شه‌كنێده‌و
جوور م
جوور منێ گ ڕووژه‌یل نوو ئڕام
شه‌واره‌یل كؤیه‌نه
له لوو قسیه‌گاندیش تانه‌ێ زنێانیێگ
بێ دهس هڵاتن
هه‌رچێ ك بێشتر په‌له‌پرتی كه‌م
ژانژوو دارتر
له‌ێ گوڵه‌م گیژگه‌رداوه قیژمه‌و به‌ێ
ها! یه منم
هاتێ نه‌ناسیده‌م
جیگاێ م
ماڵ چووڵ بێ سه‌قفێگه
وه‌ختێ ئاخ هه‌ڵكیشم دؤدیێ تا هناز خودا چوو
چه‌وهمته‌زار
هاتن سؤیه‌تگێ ئاو مه‌ڵهه‌م
گیره‌گاند و
قردگێ له ناكاوا چرچگیانم
دی نیه‌زانم جوور چه‌م
زانم ك نیه‌زانم
زاناێ نه‌ناسیانه‌‌یلم
ها!
یه مه‌خش و زوان خه‌ڵه‌تنه‌س
له ئمڕووه تا بانان
بزان!
دی نیه‌تواێ ته‌نیا زوانم بخه‌ڵه‌تنی
یا قسیه‌گاند
نیه‌تؤیه‌نن له خه‌ڵه‌تانن
زام زوانم بكه‌ن
یا سزرگه وه‌ر بێه‌نه گژما
دهس خوه‌م نیه
عمرێگه سه‌راێسه‌ر له هؤرفام هاتند
به‌سه‌زوانانه خه‌ڵه‌تیامه
كڵاسیكه‌یل ئمڕوو
كؤیه‌گان تاجب كه‌ن ك!
سهراوهنؤن شه‌كه‌تی شه‌وار ئیمه‌ن
ك له ئێ شه‌وار شێته غه‌زه‌ڵه‌یل ئیمه نؤسن
كؤیه‌گان!
سهراوهنؤن شه‌كه‌تی شه‌وار ئمڕوو
ك له ئێ خێاڵ قؤله شه‌كه‌تی شه‌وار وڕده‌‌ن
كؤیه‌گان!
سهراوهنؤن شه‌كه‌تی شه‌وار شینن
ك له ئێ وشه‌‌یلێانه وشه‌گانمان سڕینه‌‌و
شه‌كه‌تی شه‌واره‌گاند
گوڵه‌مه‌یل خوڵكمانه
گه‌نه تووز ته‌م كوشانه‌و خوره‌تاو باجگیره‌یل
په‌لگه‌یل ئیمه خؤنێ
چكنه خێاڵ هه‌وره‌یل
ك له ئێ خێاڵ برشیاێ
كیه‌نیه‌یل تووقیانه
تن و سه‌د هزار له‌ێوا
غه‌زه‌ڵه‌یله زاوزێ به‌ن
ك له‌ناو ته‌م و ته‌مه‌لؤل ته‌مه‌گان هه‌ڵچنیمه و
ته‌مه‌گان هه‌م ڕچگیان
شێعره‌گان بێ سهر تام
ژنگنن له وه‌زن ناود
ته‌نگ قافیه‌و عه‌رووزن
له‌به حاڵێان خراوه
بزان! وه هه‌ڕه‌شه‌و
زانم ك زانی یا تواێ بزانی
ته‌نیا ت له بێده‌سڵاتی شێعره‌گانم
زانای ...
لاێ وه‌ڵنگه‌یل كتاو وه‌فرین
شێعره‌یل ئمڕوود
سقان غه‌زه‌ڵه‌گان ده‌نگاتێ منه
له شكیانه‌یل ژار و سزیانه‌یل خوڵه‌كویین
وه‌ختێ
واێ سه‌ره‌لێ شێویایێگ په‌رتاف له لێ بڕیه‌ێ
كتاو شێعره‌یل نووم
كؤیه‌نه و شێواوه‌شێوا بوون
وه‌ره‌لاس ئاخینێان
وه‌ختێ ك شێعر هناس گه‌رم تنه‌و
وه‌ختێ ك وه‌فر له هؤر ته‌ودار ت تاویه‌ێده‌و
من باێه‌‌د گلیه‌ی له كی بكه‌م؟
وختێ ك شێعر ته‌نیا له ناو ت هه‌ڵسێ
ناود
هؤرمانێگه له ناكاوه‌یلمان
ئڕا له‌ێوا ده‌نگ هه‌ڵگه‌ردانیدنه؟
هاتێ بزانی ك:
یه‌ێ ده‌فه وه‌لنگه‌یلمه تاود ڕشــــــن
عشق له كـــــــانی چه‌وه‌گاند وشـــن
دهس نــه‌مه گیـری به‌و و لیم وازبار
ئـــــــــڕا وڵات دڵم ئیعجــــــاز بــار
كــــــــاولیـــه‌یل چـــــــه‌وه‌گاند چڕن
ژێـــــر شه‌ؤیه‌گه‌ێ واڵ خوه‌راوا دڕن
شـه‌نگ به‌سنه‌و شوون قه‌تـاره‌یلێـان
لاره وه لاره‌سه ئشـــــــاره‌یلێـــــان
تیر و كــــــه‌وان گه‌نییه‌یل تێژ كه‌ن
ئــه‌سرمه قه‌ێ كــــانی دڵ لێژ كه‌ن
تــــــووژ به‌سـاێه سهر نـــــاوه‌یلێان
شێـــــعر ڕنگینێ لــه كتـــــاو‌ه‌یلێان
چؤزه‌ێ چه‌وه‌یل یار
له چؤزه‌ێ چه‌وه‌یل یار
فرشته‌گان باڵه‌وازی كه‌ن
له قسیه‌یل دروو
تا هڵم هناس ڕاسی
دچه‌وه‌كی كاڵن و
بێ ده‌سڵاتی د‌ره‌و كه‌ن
دڵم ...
له تام تفت زنێانی سیه بؤیه
له‌شم ...
ها بان زه‌ؤ و
خێاڵ ئه‌سه‌دوا كه‌رم
پا له گه‌ز داس
له ناو
ناخ كه‌شكه‌شه‌یل به‌رز تماشاد
ئاسمان ئێ هووزه
هڵم هناسێ سه‌نگینه
خه‌ێده‌م
داڕمنێده‌م
هاماج ده‌لیاگانێ
گوورانی خه‌مێگه ك خودا ژه‌نێده‌ێ
له‌ێره هاوكه‌ێوانووه‌یل
نقڵانه‌ێ مردن ده‌ن له یه‌ک
له‌ێره
له چؤزه‌ێ چه‌وه‌یل یار
ئه‌زره‌ته‌یله سیسه‌و بؤنه
داوڵه‌یل وه‌ره‌نیسک ژان ده‌ن
چه‌ن وه‌خته ك
وه‌هار پایزانه
تیه‌نی شێعره‌گانم وشكه‌و بؤیه
له چؤزه‌ێ چه‌وه‌یل یار
جیڕجیڕه‌كه‌یل
خوه‌ێان شاردنه‌سه‌و
دی زیڕه‌ێ دزله‌ێ ده‌زؤرانیان
كه‌س نیه‌ژنه‌وێ
ئاسمان پڕه له ترسخوو
شه‌واریش
كه‌ێوانوێگه دوو ڕشیاێ
خه‌ێده‌مه‌و هؤر پێراره‌كه
له‌ێوا زنێانیێگ تا ئه‌به‌د
هه له‌ێوا
خراو هات و ناتده
كه‌سم ...
كی ناوک ئێ ده‌لیا بڕییه؟
جارێ تر
له ژێرساێ ئاسمان هه‌ورامان
له لێو ده‌لیاێ هؤرد
چرچگیام
چشتێ پێا نه‌ؤ
شوونێ
دیار نه‌ؤ
هیچ دیاریه‌ێ شوون دار نه‌ؤ
ڕا ئه‌ژنه‌فتن قسیه‌گاند
گووشه قڵاق خوه‌مه‌و كردؤم
گوورانی وا و
هه‌ڵپه‌ڕگه‌ێ داره‌گان
ساز ژه‌نگراو ته‌نیایی ژه‌نن
گوورانییه‌یل بێ دهس هڵات
سازه‌یل ده‌نگه قوڵه‌پێ چێ
هه‌ر مینێده‌و هؤرد
نیه‌زام چه بكه‌م
یا
چؤ بمینم چؤ بچم؟ من لــه ت دؤرم وه‌خودا
هؤر ت تاگه‌ر ئه‌به‌د هه‌ر ها له هؤرم وه‌خ
عضو شوید
عضویت سریع
آمار مطالب
آمار بازدید
